Հնդկաստանի բնակիչը փորձել է ողջ թաղել հազվադեպ հիվանդությամբ տառապող «երկգլխանի» երեխային, սակայն գերեզմանափորը լսել է երեխայի լացի ձայնը և փրկել նրա կյանքը: Այս մասին հաղորդել է Daily Mail-ը:
Գերեզմանափորը միջադեպի մասին տեղեկացրել է ոստիկանությանը: Երեխային տեղափոխվել են հիվանդանոց, որտեղ նրան արտակարգ բժշկական օգնություն է ցուցաբերվել: Բժիշկները երեխայի մոտ էնցեֆալոցելե հիվանդությունն են ախտորոշել, որը գլխուղեղի և գանգոսկրի բնածին արատ է, երբ ուղեղի նյութի մի մաս գանգոսկրից դուրս է հայտնվում:
Վիրաբույժ Աբդուլ Ռաշիդ Բհաթը 3 ժամ տևողությամբ վիրահատության արդյունքում հեռացրել է ավելորդ գոյացությունը, որից հետո երեխայի վիճակը սկսել է կայունանալ:
Տեղական լրատվամիջոցների տվյալներով, երեխայի հայրը ձերբակալվել է, սակայն հետագայում ազատվել է գրավի դիմաց: Երեխային որդեգրել է նրա եղբայրը:
