ԱՄՆ նախագահ Դոնալդ Թրամփը քննադատել է ժամանակակից ինքնաթիռները՝ դրանք կառավարելու բարդության պատճառով։
«Ինքնաթիռները շատ բարդ են դառնում այն բանի համար, որպեսզի դրանցով թռչեն։ Օդաչուներ այլևս անհրաժեշտ չեն։ Օդաչուներ այլևս անհրաժեշտ չեն, այլ անհրաժեշտ են համակարգչային տեխնոլոգիաների ոլորտի աշխատակիցներ՝ Մասաչուսթեսի տեխնոլոգիական համալսարանից»,-Twitter-ի իր էջում գրել է ԱՄՆ առաջնորդը։
Թրամփի կարծիքով՝ «բարդության բարձր մակարդակը վտանգ է ստեղծում»։
«Չգիտեմ՝ դուք ինչպես, բայց ես չեմ ուզում, որպեսզի Ալբերտ Էյնշտեյնը իմ օդաչուն լինի։ Ես ցանկանում եմ գերազանց պրոֆեսիոնալ օդաչուների տեսնել, որոնք տեխնիկապես հնարավորություն ունեն դյուրությամբ և արագ իրենց ձեռքը վերցնել ինքնաթիռի վերահսկողությունը»,-նշել է ԱՄՆ նախագահը։
