ԱՄՆ Ջորջիա նահանգի բնական ռեսուրսների դեպարտամենտը հաղորդել է, որ Բլեքշիր լճի մերձակա ջրանցքում այս շաբաթ հայտնաբերվել է 13 ֆուտ երկարությամբ (4 մետր) և 700 ֆունտ կշռով (300 կգ) ալիգատոր:
Այս տեղեկատվությունը հաստատել է դեպարտամենտի մամլո քարտուղար Մելիսա Կամինգսը՝ գրում է Fox News-ը:
«Ահա նահանգի ծրագրի վկայությունը ալիգատորների նկատմամբ. նրանք կարող են աճել այդպիսի չափերով: Այդքան մեծանալու ալիգատորների միակ միջոցը մարդկանցից խուսափելն է»,- ասել է նա:
Կենդանին այնքան հսկա էր, որ սոցցանցերի օգտատերերը անարժանահավատ են համարել լուսանկարի իսկությունը: Սակայն վայրի բնության կենսաբան Բրենթ Հաուզը, որը դեպարտամենտի պաշտոնական լուսանկարում նստած է կենդանու կողքին, հավաստիացրել է, որ լուսանկարն իսկական է: «Հավանաբար շատերը կարծում են, որ սա կեղծ է, բայց ես կարող եմ ձեզ հավաստիացնել, որ այդպես չէ: Դուք կարող եք տեսնել, որ ես չափազանց մոտ չեմ նրան»,- ասել է նա:
Ալիգատորին նկատել է տեղի բնակիչը՝ փետրվարի 25-ին, որից հետո Հաուզին հրավիրել են այնտեղ, որտեղ հայտնաբերվել է կենդանին:
Ժամանակ է պահանջվել նրան ջրանցքից դուրս բերելու համար: Նա ավելի մեծ էր, քան մենք սկզբում սպասում էինք: Մեզ անհրաժեշտ էր օգտագործել ծանր սարքավորում՝ նրան տեղափոխելու համար»,- ասել է Հաուզը:
Ցավոք, ալիգատորը թույլ առողջություն ուներ, և նրա մարմնի վրա հայտնաբերվել են հին հրազենային վիրավորումներ՝ հաղորդում է First Coast News-ը: մարդասիրական նկատառումներից ելնելով հսկայական կենդանուն քնեցրել են:
