Հյուսիսային Կորեայի նախագահ Կիմ Չեն Ընը հաջորդ շաբաթ կժամանի Վիետնամ, որտեղ կհանդիպի ԱՄՆ նախագահ Դոնալդ Թրամփի հետ: Նրա ուղևորությունը կտևի գրեթե 3 օր՝ հաղորդում է Reuters գործակալությունը:
Կիմ Չեն Ընը ստիպված կլինի Չինաստանով հազարավոր կիլոմետրեր ճանապարհորդել գնացքով: Վիետնամի հետ սահմանին նա դուրս կգա գնացքից և ևս 170 կմ կուղևորվի մեքենայով։
Թրամփի և Կիմ Չիի Ընի հանդիպումը տեղի կունենա փետրվարի 27-28-ին, 2018 թ. հունիսին կայացած Սինգապուրի գագաթնաժողովից 8 ամիս անց, որից հետո կողմերը ստորագրել են համատեղ փաստաթուղթ, որով Միացյալ Նահանգները խոստացել է անվտանգության երաշխիքներ տրամադրել ԿԺԴՀ-ին։
Նշվում է, որ երկաթուղով ճանապարհորդելը Կիմի դինաստիայի սիրված զբաղմունքն է: Այսպես ճանապարհորդել են ներկայիս ԿԺԴՀ առաջնորդի հայրը՝ Կիմ Չեն Իրը և պապը՝ Կիմ Իր Սենը։
