ԱՄՆ նախագահ Դոնալդ Թրամփը դաշնակիցներին՝ ներառյալ Գերմանիային, Ֆրանսիային և Բրիտանիային, կոչ է արել դատարան ուղարկել ԴԱԻՇ ահաբեկչական խմբավորման «ավելի քան 800» գրոհայինների, որոնց ամերիկացի զինվորականները բռնել են Սիրիայում: Այս մասին նա գրել է իր Թվիթերում:
Թրամփը հավելել է՝ եթե դաշնակիցները հրաժարվեն դա անել, ԴԱԻՇ-ի գրոհայինները «կլցվեն» Եվրոպա: Միաժամանակ նա նշել է, որ Միացյալ Նահանգները չէր ցանկանա նման սցենարի ականատեսը լինել:
«Խալիֆայությունը շուտով կընկնի: Մենք հեռանում ենք (Սիրիայից) Խալիֆայության դեմ 100%-անոց հաղթանակից հետո»,- գրել է Թրամփը:
