Նախկին քաղբանտարկայլ, ազատամարտիկ Սասուն Միքայելյանն էլ իր խոսքում առանձնացրեց ստեղծվցած ծանր սոցիալ-տնտեսական իրավիճակի խնդիրները:
Նա մասնավորապես խոսեց մետրոպոլիտենի ուղեվարձի թանկացման, ՀՀ կառավարության որոշումը Մեղրու տարածաշրջանի 6 գյուղերի հողատարածքների Զանգեզուրի պղնձամոլիբդենային գործարանին տրամադրելու վերաբերյալ, ինչպես նաև Հրազդանի հանքավայրի շահագործումը, որտեղ դեռևս 60-ականներին իրականացված հետազոտությունների արդյունքում ուրան է հայտնաբերվել: Միքայելյանը նկատեց, որ իշխանությունները, իրենց րոպեական շահի համար մոռանում են սահմանային գյուղերի անվտանգության, մեր երեխաների ապագայի մասին:
Սասուն Միքայելյանը նաև խոսեց հունիսի 24-ին Կազանում կայացած Սարգսյան-Ալիև-Մեդվեդև հանդիպմանը և նկատեց, որ հանդիպումից առաջ և հետո հնչած հայտարարություններից կարելի է ասել, որ բանակցություններն ընթանում են Ադրբեջանի օգտին. «Արցախին դուրս թողնելով բանակցություններից, այժմ Հայաստանն էլ է դարձել պասիվ սպասող`սպասելով ոչ մի բանի չենք կարող հասնել, ավելին` կկորցնենք և՛ Հայաստանը, և՛ Արցախը»:
Միքայելյանն ընդգծեց, որ թեև Կազանում ոչ հայանպաստը փաստաթուղթ չսոտագրվեց, բայց դա դեռ չի նշանակում, թե հետագայում ստորագրվելու դեպքում այն լինելու է ավելի հայանպաստ. «Իշխանությունները պետք է հասկանան, որ նրանց անգամ ամենաչնչին սխալի պատճառով վաղը ազգովի հայտնվելու ենք անելանելի վիճակում: Մենք չպետք է հանդուրժենք տուն տունիկ խաղալու իշխանությունների կոչերը: Իհարկե, մենք դեմ չենք, որ նրանք տուն-տունիկ խաղան, մենք դեմ ենք, որ խաղում են իրենց ձեռքում պահելով երկրի կառավարման ղեկը: Կարևորն այն է, որ ՀԱԿ-ը չպետք է թուլացնի իր զգոնությունը, այլ բազմապատկելով պայքարի ներուժը այն հասցնի հաղթական ավարտի հասնի»:
