Գազայի հատվածում հայտնաբերվել է Ապոլլոնի՝ մարդկային հասակի բրոնզե քանդակը: Ինչպես հայտնում է The Independent-ը, 500 կգ-անոց արձանի հայտնաբերման մասին առաջինը հայտնել է Ջուդա Ղրաբ անունով տեղի ձկնորսներից մեկը: Նա այն դուրս է բերել ծովից 2013-ի օգոստոսին, սակայն հայտնագործությունը մեծ արձագանք է ստացել միայն հիմա:
Ձկնորսն այն հայտնաբերել է ծանծաղուտում՝ ափից 100 մետր հեռավորության վրա՝ Եգիպտոսի սահմանից ոչ հեռու: Նա հարազատների հետ այն դուրս է բերել ափ և ավանակներով տեղափոխել տուն: Նա և իր եղբայրը մեկական մատ են կտրել՝ փորձագետներից պարզելու թանկարժեք մետաղի առկայությունը: Ավելի ուշ Ղրաբը փորձել է արձանը աճուրդի դնել eBay-ում՝ 500 հազար դոլար ստանալու ակնկալիքով:
Այդ մասին իմացել է ՀԱՄԱՍ-ի ղեկավարությունը: Ոստիկանությունն առգրավել է արձանը: Ձկնորսի դեմ քրեական գործ է հարուցվել մշակութային արժեքը վաճառելու փորձի համար:
