Ողջ աշխարհի սուրճի սիրահարներին տհաճ նորություն է սպասվում. Բրազիլիայում երաշտի պատճառով սուրճը, հատկապես շաքարով սուրճը, կթանկանա: Գների բարձրացումը դեռևս զգում են միայն բորսային թրեյդերներն ու խոշոր արտադրողները:
Թրեյդերներն ու արտադրողները, ովքեր անմիջականորեն աշխատում են կակաոյի հատիկների և շաքարեղեգի մշակողների հետ, հայտնում են գնաճի մասին: Ընդ որում, գներն անընդմեջ բարձրանում են արդեն մեկ շաբաթ: Հատկապես արագորեն թանկանում է «Արաբիկա» տեսակի սուրճը:
Այդ տեսակի արժեքը մեկ շաբաթում աճել է 20 տոկոսով: Սա վերջին 10 տարվա աճի ամենաարագ տեմպն է: Տարեսկզբից գներն աճել են ավելի քան 30 տոկոսով: Փորձագետներն առաջիկայում նոր գնային առավելագույն ցուցանիշ են ակնկալում, քանի որ «Արաբիկայի» պաշարները կարող են ավարտվել դեռ մինչև տարեվերջ:
Հունվարին շաքարեղեգի՝ նվազագույնի հասած արժեքից հետո գները սկսել են կտրուկ բարձրանալ: Այժմ մեկ ֆունտն արժե 16 ցենտ:
