Բոսնիայում և Հերցեգովինայում շարունակվում են բողոքի ակցիաները: Երկրի մայրաքաղաք Սարաևոյում կիրակի երեկոյան ցուցարարները հավաքվել էին քաղաքի կենտրոնում՝ վերահսկիչ դատարանի շենքի մոտ, որտեղ գնվել են նախկինում նրանց ձերբակալված համախոհները:
Ինչպես հաղորդում է ITAR-TASS-ը, ցուցարարները պահանջել են ազատ արձակել նրանց, և երբ այդ պահանջը կատարվել է, խաղաղ ավարտել են ակցիան:
Բիհաչ քաղաքում ցույցը ևս խաղաղ ավարտ է ունեցել: Այստեղ «Բոսնիայի գարուն» շարժման ներկայացուցիչները իշխանություններին փոխանցել են տեղի կառավարության հրաժարականի պահանջով դիմում, որից հետո ցրվել են: Ավելի ուշ կանտոնի ղեկավար վարչապետ Համդիյա Լիպովաչը հայտարարել է, որ մտադիր չէ լքել իր պաշտոնը:
Ավելի վաղ ցուցարարների ճնշման ներքո հրաժարական են տվել Սարաևո, Տուզլա, Զենիցա կանտոնների ղեկավարները: Մոստարում հրաժարական է տվել տեղի ոստիկանության հրամանատարը: Ցուցարարների առաջնորդ Ադլին Շիրանովիչը հայտարարել է, որ երկրում տեղի ունեցող իրադարձությունները հողափոխություն չեն, այլ մարդկանց ժողովրդավարական բողոք, որոնք պայքարում են ավելի լավ ապագայի համար:
