ԼՀԿ խմբակցության ղեկավար Էդմոն Մարուքյանը ԵԽԽՎ-ում հանդես է եկել ելույթով՝ ԱԺ արտահերթ ընտրությունների վերաբերյալ․
«Հարգելի տիկնայք և պարոնայք,
Ես շնորհակալ եմ Հայաստանում արտահերթ խորհրդարանական ընտրությունների դիտարկման ամփոփման համար: Շատ ուրախ եմ տեսնել Ընտրությունների միջազգային դիտորդական առաքելության դրական հայտարարությունը, որը բավականին հստակ է:
Ցանկանում եմ շնորհակալությունս հայտնել Խորհրդարանական վեհաժողովին, ինչպես միշտ, պրոֆեսիոնալ և փորձառու դիտորդական թիմ գործուղելու համար՝ դիտարկելու Հայաստանի թերևս ամենակարևոր ընտրությունները վերջին ժամանակահատվածում: Հատկապես մեծ շնորհակալություն եմ հայտնում պարոն Փոջինին` առաքելությունը ղեկավարելու և «Թավշյա հեղափոխության» մասին իր արտահայտությունների` իշխանությունների քաղաքական կամքը գովաբանելու համար, ինչը թույլ տվեց անցկացնել ժողովրդավարական ընտրություններ:
Մենք նաև գնահատում ենք, որ Հայաստանի վերաբերյալ ԵԽԽՎ-ի համազեկուցողները նույնպես մասնակցեցին այս դիտորդական առաքելությանը, որպես ԵԽԽՎ հայաստանյան փորձագետներ: Մենք բարձր ենք գնահատում ձեր ներդրումը միջազգային դիտորդների կողմից արված դրական արձագանքների մեջ: Մենք ակնկալում ենք, տեսնել ձեզ Երևանում հաջորդ տարի, որտեղ կկարողանանք նախանշել մեր ապագա համագործակցության ոլորտները:
Այս առումով, գուցե, ես մի քիչ առաջ եմ անցնում, բայց կարծում եմ, որ այս ազատ և արդար ընտրությունները ցույց են տալիս, որ ժամանակը հասունացել է, հետընտրական մոնիտորինգի երկխոսության հետ կապված Հայաստանի ասոցացումից հետո մոնիտորինգի գործընթացը փոփոխելու վերաբերյալ քննարկումներ սկսելու համար: Մենք հավատում ենք, որ Հայաստանում ժողովրդավարական զարգացումները իրավունք են վերապահում նման փոփոխություն ակնկալելու համար:
Կարևոր եմ համարում պարոն Պաչիեյի դիտարկումը ընտրություններին ցածր մասնակցության առումով, սակայն թույլ տվեք Ձեզ տեղեկացնել, որ ընտրություններից առաջ ընտրողների ցուցակները մաքրվել և հստակեցվել են, որտեղից դուրս են հանվել մահացած մարդկանց անուններ և բազմաթիվ անճշտություններ։ Ինչպես նաև Դուք գիտեք և անձամբ վկայեցիք, որ նախկինում զանգավածային ընտրակաշառքների vote buying արատավոր պրակտիկան ևս բացառվել էր և այդ հանգամանքները հաշվի առնելով պետք է դիտարկել մասնակցության ցուցանիշը։
Իհարկե, որոշ թերություններ կան, որոնց պետք է անդրադառնալ հաջորդ ընտրական շրջանի համար: [Կանանց մեծ մասնակցությունը կոնկրետ օրինակ է, և իմ կուսակցությունը պատրաստվում է լրջորեն զբաղվել այս թեմայով նոր խորհրդարանում]: Մեր բոլոր ապագա բարեփոխումների արդյունքում մենք ձգտում ենք համագործակցել Խորհրդարանական վեհաժողովի և Վենետիկի հանձնաժողովի հետ»:
