Յոթերորդ գումարման ԱԺ առաջին նստաշրջանի վերաբերյալ կարծիքները հակասական են: Թեմայի շուրջ «Առաջին լրատվական»- ի հետ զրույցում «Մխիթար Սեբաստացի» կրթահամալիրի տնօրեն Աշոտ Բլեյանն ընդգծեց, որ նոր խորհրդարանը երիտասարդ է, և նրա նկատմամբ իր հայացքը չի կարող հոգատար ու խրախուսող չլինել. «Ինձ համար շատ կարևոր է նոր քաղաքական գործիչների բացահայտումը, ոչ թե նրանց վրիպումները, մարդիկ մտել են նոր գործունեության ոլորտ, սովորում են, և առաջնային է, թե ինչ արագությամբ կսովորեն»:
Ազգային ժողովի երրորդ փոխնախագահի պաշտոնը բաժին հասավ ԲՀԿ-ին՝ քաղաքական որոշմամբ: Տեսակետներ հնչեցին, որ այս պարագայում պետք էր ոչ թե քաղաքական, այլ իմաստուն որոշում կայացնել, և քանի որ ԱԺ-ում ներկայացված են երեք քաղաքական ուժեր, փոխխոսնակների պաշտոնները պետք է համապատասխանաբար բաժանվեին երեք ուժերի միջև: Անդրադառնալով այս դիտարկմանը՝ Աշոտ Բլեյանը նշեց. «Ես համաձայն եմ այդ տեսակետին: Իշխող քաղաքական ուժը, հատկապես որ Նիկոլ Փաշինյանի կառավարությունն է ներկայացնում, որն ունի բարձր հեղինակություն և հասարակությունը ավելցուկով է ձայն տվել նրանց, շատ կուզեի, որ մեծահոգություն դրսևորեր: Բոլորս, լինելով տարբեր, հիմա աշխատում ենք մի ռեժիմում, որը կոչվում է Հայաստանի քաղաքական համակարգի վերականգնում: Քաղաքական համակարգի կայացման համար ԱԺ մի փոխնախագահի պաշտոնը պետք է ջիջեին»:
Մանրամասն՝ տեսանյութում:
