Միացյալ Նահանգներում Հայաստանի դեսպան Վարուժան Ներսեսյանը հունվարի 11-ին իր հավատարմագրերն է հանձնել ԱՄՆ նախագահ Դոնալդ Թրամփին:
Հայաստանում ԱՄՆ դեսպանատան տարածած հաղորդագրության մեջ մասնավորապես ասված է. – «Ողջունելով նախագահ Թրամփին ՀՀ նախագահի, վարչապետի ու ժողովրդի անունից` դեսպան Ներսեսյանը նշեց, որ իր համար մեծ պատիվ ու պատասխանատվություն է Հայաստանը ներկայացնել ԱՄՆ-ում այս կարևոր ժամանակաշրջանում»:
«Հավատարմագրերի հանձնման արարողության ընթացքում տեղի ունեցած կարճ զրույցի ընթացքում նախագահ Թրամփն ու դեսպան Ներսեսյանը կարևորեցին տարբեր ոլորտներում երկկողմ հարաբերությունների ընդլայնմանն ուղղված քայլերը: Կողմերը շեշտեցին ամերիկահայ համայնքի դերակատարությունը երկու երկրների միջև բարեկամության զարգացման գործում», – փոխանցում է Միացյալ Նահանգների դեսպանատունը:
