«Կարծում եմ՝ շատ դրական և խիստ կարևոր ընտրություններ էին։ Նախևառաջ ստեղծվեց մի իրավիճակ, որ արդյունքում գեթ մեկ քաղաքացի չի կասկածում ընտրությունների արդյունքների վրա։ Այսինքն՝ ստեղծվել է փոխվստահության մի այնպիսի մթնոլորտ, որին մենք ականատես չենք եղել առնվազն վերջին քսան տարվա ընթացքում»,- «Առաջին լրատվական»-ի հետ զրույցում ասաց միջազգայնագետ Արմենակ Մինասյանցը։
Անդրադառնալով Փաշինյանին ուղղված շնորհավորանքներին և մեր այն դիտարկմանը, որ մինչ այս պահը Փաշինյանին չի շնորհավորել Վլադիմիր Պուտինը, մեր զրուցակիցը կեսկատակ նշեց. «Կարող է սպասում են վերջնական արդյունքներին»։
Շարունակելով իր միտքը՝ Արմենակ Մինասյանցն ասաց. «Այդուհանդերձ կար ԱՊՀ դիտորդական առաքելություն, որի մաս են կազմում ԵԱՏՄ անդամ բոլոր պետությունները, և այդ դիտորդական առաքելությունը արդեն բավականին դրական արձագանք է ներկայացրել ընտրությունների մասին։
Միջազգային արձագանքի մասին էլ նշեմ՝ ամենակարևորն այն է, որ փոփոխվել է ընտրությունների որակական գնահատականը»։
Հարցազրույցն ամբողջությամբ՝ տեսանյութում:
