Մասնագետները հանգել են այն եզրակացության, որ «Գահերի խաղ»-ում պետք է հաղթեն կանայք, ինչպես նաև բոլոր սեռերի բարձր հավատարմությամբ չառանձնացող ներկայացուցիչները՝ տեղեկացնում է Injury Epidemiology ամսագիրը։
Մասնավորապես, մաթեմատիկոսներին հետաքրքրել է, թե ինչպես է սոցիալական կարգավիճակը, սեռը, գործունեության ոլորտը, կրոնակա պատկանելիությունը և վասալային կապերը ազդել կերպարների մահվան հավանականության վրա։ Այս կապերը բացահայտելու համար նրանք կազմել են անձնային քարտեր բոլոր 330 հերոսների համար։
Պարզվել է, որ կերպարների ընդհանուր թվից շուրջ 15%-ը մահացել է էկրանին հայտնվելու առաջին մի քանի րոպեների ընթացքում։ Միայն նրանց կեսին է հաջողվել շոուում 30 ժամից ավելի մնալ։
Ամենից շատ ողջ մնալու հավանականության վրա ազդել է 2 գործոն․ կերպարի սեռը և նրա հավատարմության մակարդակը։ Հայտնի է դարձել, որ միայն կանանց կեսը մահացել է շոուի ընթացիկ սեզոնի սկզբին (տղամարդկանց համար այդ ցուցանիշը 75% է)։
