Վիետնամի մայրաքաղաք Հանոյում ճարահատյալ հետիոտնը պիկ ժամին գերբեռնված փողոցը որոշել է հատել հոսանքալարերին բարձրանալով, գրել է Daily Mail-ը:
Սոցցանցերի օգտատերերը հիացել են տեսանյութի հերոսի ճարպկությամբ ու հնարամտությամբ և նրան «Սարդ-մարդ» անվանել:
Տեսանյութի հեղինակը՝ Թու Թհան Բուին ասել է. «Չէ՞ որ դրանք հոսանքալարեր են: Այնքան է շտապել, որ որոշել է վտանգե՞լ կյանքը: Միևնույն է՝ չեմ հասկանում նրան»:
«Ես լավ եմ ճանաչում ճանապարհի այս հատվածը, այն միշտ գերբեռնված է և դժվարանցանելի: Կարծում եմ՝ դա լավ գաղափար էր, միայն թե վտանգավոր», ասել է մեկ այլ անցորդ:
