Քաղաքագետ, «Իմ քայլը» դաշինքից պատգամավորի թեկնածու Միքայել Զոլյանը «Առաջին լրատվական»-ի հետ զրույցում խոսելով իր առաջադրման մասին՝ նշեց. «Կարծում եմ՝ մեզ մոտ լավ թիմ է հավաքվել, ամենատարբեր ոլորտների մասնագետներ կան։ Ես և էլի մի քանիսը ներկայացնում ենք քաղաքագիտական, փորձագիտական դաշտը։ Երբ առաջարկը ստացա, բավականին երկար ժամանակ մտածել եմ՝ հնարավո՞ր է որպես անկախ վերլուծաբան ավելի մեծ օգուտ տամ։ Այնուամենայնիվ, ես որոշեցի, որ այս պարագայում ճիշտը ընդգրկվելն է»։
Նրա խոսքով՝ «Իմ քայլը» դաշինքն այսօր այն քաղաքական ուժն է, որի հաջողությունը կլինի բոլորիս հաջողությունը, և որի պարտությունը կլինի բոլորիս պարտությունը. «Ես՝ որպես քաղաքացի, շահագրգռված եմ «Իմ քայլի» հաղթանակով։ Ավելի ազնիվ կլինի, որ հանդես գամ ոչ թե որպես անկախ վերլուծաբան, այլ հստակ ցույց տամ, թե ում կողմից եմ»։
Խոսելով դաշինքի գաղափարախոսության մասին՝ Միքայել Զոլյանը նշում է՝ ինքն իրեն ձախ կենտրոնամետ է համարում, իրեն ավելի մոտ են ձախ գաղափարները. «Մենք այսօր այն փուլում ենք, երբ ֆեոդալական համակարգից կապիտալիստական համակարգին ենք անցնում»։
Հարցազրույցն ամբողջությամբ՝ տեսանյութում:
