Macklemore&Ryan Lewis տանդեմը ճանաչվել է «Գրեմմի»-ի տարվա բացահայտում և առաջադրվել միանգամից վեց անվանակարգերում: Այս տարի զուգերգը ստացել է «Գրեմի»-ի չորս երաժշտական մրցանակ՝ «Լավագույն ռեփ ալբոմ», «Լավագույն ռեփ կատարում», «Լավագույն ռեփ ստեղծագործություն» և «Լավագույն ռեփ կատարող»: Այս մասին գրում է Ria Novosti-ն:
Նշենք, որ Macklemore&Ryan Lewis-ին անվանում են «Էստրադայի մոխրոտիկ»: Երաժիշտ Բեն Հագերթիի՝ հայտնի Մաքլեմոր կեղծանվամբ, և պրոդյուսեր Ռայան Լյուիսի տանդեմն աշխատում է առանց որևէ հնչյունաձայնագրող ընկերության աջակցության:
Ստանալով մրցանակը՝ Մաքլեմորն աջակցության համար շնորհակալություն է հայտնել հարսնացուին, ծնողներին և բոլոր նրանց, ովքեր անտարբեր չեն իր արվեստի նկատմամբ:
Այս րոպեներին Լոս Անջելեսում ընթանում է «Գրեմմի 2014» մրցանակաբաշխությունը: Հեռարձակումից ժամեր առաջ մրցանակներից շատերը հանձնվել են բուն շոուից առաջ տեղի ունեցած միջոցառման ժամանակ: Միջոցառումը վարել է Սինդի Լաուպերն ու անձամբ արժանացել մրցանակի:
1. Քեթի Գրիֆինը պարգևատրվել է «Լավագույն կատակերգական ալբոմի» համար
2. «Լավագույն պարային ձայնագրություն» անվանակարգում հաղթել է Zedd & Foxes զույգը
3. Ջենիֆեր Գեզոյ՝ «Լավագույն մանկական ալբոմ»
4. Սինդի Լաուպեր՝ «Լավագույն երաժշտական թատերական ալբոմ»
5. Քեյսի Մասգրեյվս՝ «Լավագույն քանթրի երգ»
6. Սթիվ Mարտին և Էդի Բրիքել՝ «Ամերիկյան արմատներով լավագույն երգ» (Love has come for you)
