Մահացու հիվանդ երեխայի հայրը լուսանկարել է փոքրիկին, ինչից հետո պարզ է դարձել երեխայի հիվանդության մասին։ Հիվանդության և լուսանկարի պատմությունը ծնողները պատմել են Daily Mail-ին։
2016թ․ վերջին Վուսթեր դքսության Քլեյնս գյուղի բնակիչ Դեյվ Ֆլեթչերը իր գրեթե 2-ամյա դստեր՝ Իզիի հետ գնացել է զբոսանքի։ Նա նստեցրել է երեխային ճոճանակի վրա, մի քանի անգամ հրել ճոճարանը, ինչից հետո երեխան քնել է։ Հայրը լուսանկարել է քնած դստերը։ Ընդամենը մի քանի շաբաթ անց Դեյվը և իր կինը՝ Վիկին իմացել են, որ քնկոտության բարձր մակարդակը լեյկեմիայի ախտանշան էր։
Իր ծննդյան 2-րդ տարեդարձը Իզին նշեց հիվանդանոցում։ Ծնողները խիստ անհանգստանում էին նրա կյանքի համար, քանի որ 5 տարի առաջ երեխայի բարեկամներից մեկը մահացել էր լեյկեմիայից։
1 տարվա ընթացքում երեխան քիմիաթերապիայի 570 բաժին է ընդունել հիվանդ բջիջների ոչնչացման համար։ Այժմ բժիշկները նրան տեղափոխել են վերահսկողական թերապիայի, որպեսզի կանխեն հիվանդության վերադարձի հավանականությունը։ Բժիշկների խոսքով երեխան հարաբերականորեն լավ է տարել բուժումը, բացի այդ նրա բախտը բերել է, որ հիվանդությունը ախտորոշվել է վաղ փուլում։
