Հոլիվուդյան ամենագեղեցիկ դերասանուհիներից մեկը՝ Մարգո Ռոբին, պատմել է «Ուոլ Սթրիթի գայլը» ֆիլմի, թերևս, ամենաանկեղծ տեսարանում Լեոնարդո դի Կապրիոյի հետ նկարահանվելու մասին:
Ինչպես նշում է Daily Mail-ը, ավստրալուհու կարծիքով՝ ննջասենյակում նկարահանված տեսարանը, որում ինքը մինի զգեստով ու բարձրակրունկներով նստած է հատակին և գայթակղում է խաղընկերոջը, «սադրիչ» է ու «ամոթալի»:
28-ամյա դերասանուհին խոստովանել է, որ դրանում նկարահանվելու համար ստիպված է եղել հաղթահարել ամոթը: Նրան անհարմար դրության մեջ է դրել այն հանգամանքը, որ տեսարանը նկարահանվել է 30 հոգանոց թիմի առաջ:
«Պատկերացրեք՝ երեսուն տղամարդ ու բոլորը նայում են ինձ»,-ասել է աստղային շիկահերը:
