Սան Ֆրանցիսկոյի դիտորդական խորհուրդը, որն իրականացնում է քաղաքի կառավարումը քաղաքապետարանի հետ մեկտեղ, կարող է արգելել տնային կենդանիների վաճառքը, այդ թվում՝ կատուների, շների, թութակների և նույնիսկ՝ ձկների: Ինչպես գրում է The Los Angeles Times թերթը, օրենքում փոփոխություններ կատարելու համապատասխան օրինագիծն ուղարկվել է կենդանիների պաշտպանության քաղաքային կոմիտե:
Ակտիվիստների պահանջները կասկածի տակ են դնում տնային կենդանիների վաճառքով զբաղվող ոլորտի ապագան: Սան Ֆրանցիսկոյում այս ոլորտի տարեկան շրջանառությունը կազմում է 50 մլրդ դոլար: Այս ամենն արվում է անտուն կենդանիներին տերեր գտնելու համար: Նրանց թիվը հավաքատեղիներում արդեն ռեկորդային ցուցանիշի է հասել:
Ոլորտի ներկայացուցիչներն ասում են, որ այսօրինակ արգելքն ամենածայրահեղն է, որ երբևէ քննարկվել է նահանգային մակարդակով: