Իրանի նախագահ Հասան Ռուհանին «Ժնև-2» համաժողովի մասնակիցներին հայտնել է խաղաղության վերաբերյալ Սիրիայի ժողովրդի ձգտումների իրականացմանն աջակցելու անհրաժեշտության մասին:
Ինչպես հայտնում է IRNA գործակալությունը, Դավոսում անցկացվող Համաշխարհային տնտեսական համաժողովի ժամանակ Նիդերլանդների վարչապետ Մարկ Ռյուտեի հետ հանդիպման ժամանակ Ռուհանին ասել է. «Մենք միշտ հայտարարել ենք ու հայտարարում ենք խաղաղության վերականգնման ձգտող սիրիացի ժողովրդի շահերի առաջնահերթության մասին»: «Սիրիական խնդիրը ռազմական լուծում չունի»,- ընդգծել է նա:
Իրանի նախագահը նշել է նաև, որ ահաբեկչության դեմ պայքարը տարածաշրջանի պետությունների ընդհանուր գործն է, ահաբեկիչների գործունեության ընդլայնումը ոչ մեկի շահերից չի բխում:
Երեկ Ռուհանին կասկած էր հայտնել համաժողովի հաջողության առնչությամբ: «Ես կասկածում եմ, որ «Ժնև-2» համաժողովը կօգնի լուծել Սիրիայում ահաբեկչության խնդիրը, քանի որ դրան մասնակցում են ոչ բոլոր ազդեցիկ խաղացողերը»,- հայտարարել է պետության ղեկավարը:
