Այսօր՝ նոյեմբերի 1-ին, ԱԺ-ում հրավիրվել է արտահերթ նիստ՝ քննարկելու Համաներման մասին օրինագիծը 2-րդ ընթերցմամբ ընդունելու հարցը:
«ՊՊԾ գնդի գրավման գործողությունների ժամանակ եղել են 3 զոհ, պատանդներ, այդ թվում՝ բժիշկներ»,- հայտարարեց ՀՀԿ խմբակցության պատգամավոր Հայկ Բաբուխանյանը և հավելեց՝ անհասկանալի է՝ կառավարությունն ունի՞ որրևէ սկզբունք:
Նրա խոսքով՝ ինչպե՞ս կարելի է ներելի համարել մի խմբի գործողություններ, որոնց հետևանքով սպանվել են ոստիկաններ և պատանդառվել մարդիկ. «Համաներումը տարածում եք կոնկրետ ձեր քաղաքական քիմքին համակրելի անձանց վրա: Վաղը դուք ձեր մոտեցումը կտարածեք ձեր հորեղբորորդու վրա և այլն»:
Նա նշեց, որ իշխանության ուղերձը հասարակությանը հետևյալն է. «Իշխանափոխության համար բոլոր հանցանքները ներելի են: Բայց չե՞ք մտածում, որ մի օր էլ այդ նույն ուղտը չոքելու է ձեր դռանը»:
Հայկ Բաբուխանյանը հարց բարձրացրեց՝ այդ դեպքում ինչո՞ւ համաներումը չի տարածվում Նորք-Մարաշի գործով անցնող մարդկանց վրա. «Նրանց գործողության հետևանքներ ընդհանրապես չկան»:
Մանրամասները՝ տեսանյութում: