ԱՄՆ նախկին պետքարտուղար Մադլեն Օլբրայթը երկրի նախագահ Դոնալդ Թրամփին «գրեթե նվեր» է անվանել ՌԴ առաջնորդ Վլադիմիր Պուտինին: Այս մասին նա հայտարարել է CNN-ի հետ հարցազրույցում:
Նա հայտարարել է, որ Ռուսաստանը ջանում է ճնշել ամերիկյան ժողովրդավարությունը և փորձում է վեճ սերմանել ԱՄՆ-ի ու նրա դաշնակիցների միջև, ինչպես նաև ենթադրել է, որ Թրամփը «ինչ-որ հարազատություն է տեսնում Պուտինի հետ»:
«Եվ ես կարծում եմ, որ շատ հարցերում Թրամփը նվեր է Պուտինին՝ այն իմաստով, որ նա փորձում է բացատրել՝ ինչու պետք է մենք գործ ունենանք այդ եվրոպացիների հետ կամ ինչու մենք պետք է որևէ վերաբերմունք ցուցաբերենք ՆԱՏՕ-ին»,-ասել է Օլբրայթը:
Նա նաև հակասություններ է գտել այն բանում, թե ինչպես է Թրամփը համագործակցում դաշնակիցների հետ՝ հակառուսական պատժամիջոցների և նրա հետ կապված, թե ինչպես է ԱՄՆ առաջնորդն արտահայտվում իր գործընկերոջ մասին:
