«Дождь»–ը տեսանյութից մի դրվագ է հրապարակել, որտեղ, ինչպես պնդում է ալիքը, երևում են Օմսկի հ.7 ուղղիչ գաղութի կալանավորների նկատմամբ ծաղրանքները։ Տեսանյութում ամբողջովին մերկ կալանավորները ծնկաչոք նստած են՝ գլուխները դեպի պատը, այնուհետև պարում են։ Մեկ այլ կադրում երևում է, թե ինչպես են նրանք, արդեն հագնված, կքանստում՝ ուսերին բեռ դրած։ Տեսանյութն արվել է 2015 թվականի դեկտեմբերին,– գրում է «Дождь»–ը։
Ալիքը չի հաղորդում, թե ինչ ճանապարհով է ստացել տեսանյութը։ «Дождь»–ի տվյալներով՝ տեսանյութում հ.7 ուղղիչ գաղութի անվտանգության բաժնի տեսուչ Վասիլի Տրոֆիմովն է, որը սեպտեմբերի սկզբին դատապարտվել է երկու տարվա ազատազրկման՝ պաշտոնական լիազորությունները չարաշահելու մեղադրանքով։
