Սիրիայի հարցով ԱՄՆ հատուկ հանձնակատար Ջեյմս Ջեֆրին հայտարարել է, որ Վաշինգտոնը պատրաստ է Սիրիայի Արաբական Հանրապետության դեմ «կոշտ պատժամիջոցներ սահմանել», եթե երկրի կառավարությունը հրաժարվի նոր սահմանադրություն ստեղծելու ուղղությամբ աշխատել: Այս մասին հաղորդում է Reuters-ը:
Նրա խոսքով՝ ԱՄՆ-ն պատրաստ է սահմանել տվյալ պատժամիջոցները՝ շրջանցելով ՄԱԿ-ի Անվտանգության խորհուրդը:
Նա նաև հավելել է, որ Վաշինգտոնը կարող է Սիրիայի դեմ պատժամիջոցներ սահմանել Ասիայի և Եվրամիության իր դաշնակիցների օգնությամբ:
Ջեֆրին ընդգծել է, որ ԱՄՆ-ն հոգ կտանի այն մասին, որ Սիրիայի կառավարության կյանքը «հնարավորինս անտանելի լինի»:
