Սթրեսի ամերիկյան համալսարանի տվյալներով՝ բոլոր հիվանդությունների 75-90%-ը առաջանում է սթրեսների հետևանքով: Հենց դրանց պատճառով են ամենից հաճախ առաջանում աղեստամոքսային տրակտի հիվանդություները: Սթրեսը նաև վատթարացնում է սրտի աշխատանքը և հանգեցնում է կաթվածի՝ գրում է politeka.net-ը:
Բժիշկների պնդմամբ՝ սթրեսի առաջացումը մեծ մասամբ կախված է միաձև կենսակերպից, օրինակ՝ աշխատանքը, որում մի քանի ամիս կամ մի քանի տարի շարունակ մեկ օրը նման է մյուսին:
Բժիշկների կարծիքով՝ նման պարագայում անհրաժեշտ է փոքրիկ մեդիտատիվ աշխատանքներ տանել ընդմիջումների ժամանակ: Սակայն կան նաև առավել պարզ միջոցներ:
Եթե մարդը նստակյաց աշխատանք ունի, ապա օրվա վերջում սթրեսը հանելու համար ավելի լավ է որոշ ժամանակ զբոսնել մաքուր օդին: Լավ տարբերակ է զբոսայգին կամ գեղեցիկ շինություններով փողոցը: Նշվում է, որ լավ տեսարանները դրական են ազդում ենթագիտակցության վրա և հանգստացնում են նյարդային համակարգը:
