Համացանցում բուռն քննարկման առարկա է դարձել ԱԱԾ պետ Արթուր Վանեցյանի և ՀՔԾ պետ Սասուն Խաչատրյանի խոսակցության ձայնագրության հրապարակումը։ Դրանից ժամեր անց երկու գերատեսչությունների ղեկավարները մամուլի ասուլիսով հանդես եկան՝ պարզաբանելու ձայնագրության մեջ հնչեցված հայտարարությունները։
Խոսակցությունը հիմնականում Մարտի 1-ի քրեական գործի բացահայտմանն ուղղված իրավապահ մարմինների աշխատանքի մասին էր՝ Քոչարյանի, Յուրի Խաչատուրովի խափանման միջոցի, հնարավոր բոլոր մեղավորներին պատժելու և աշխատանքային այլ հարցեր։ Մայրաքաղաքի բնակիչները համարում են, որ դա սովորական խոսակցություն է եղել, ոչ մի արտառոց բան չկա։ Միևնույն ժամանակ, սակայն, մտահոգություն հայտնեցին, որ ԱԱԾ պետին հնարավոր է գաղտնալսել ու ձայնագրությունը հրապարակել համացանցում։
«Առաջին լրատվական»-ի հարցումները ցույց տվեցին, որ մարդկանց մոտ այդ ձայնագրության հրապարակումը հակառակ էֆեկտն է տվել։ Մեր հարցվածներից շատերն իրենց աջակցությունը հայտնեցին ԱԱԾ և ՀՔԾ պետերին, ինչպես նաև վարչապետ Նիկոլ Փաշինյանին։ Ի դեպ՝ Դավիթաշենում նախընտրական հանրահավաքի ժամանակ Նիկոլ Փաշինյանը վրդովված ելույթում ոստիկանությանն ու ԱԱԾ-ին հրահանգեց «զինաթափել օլիգարխներին, թիկնապահներին ասֆալտին պառկեցնել»։ Վարչապետի այս քայլը ևս քաղաքացիների մոտ դրական է ընկալվում։ Մարդիկ կան, որ անգամ նշում են՝ ուշացել է Փաշինյանն իր կոշտ հայտարարություններում։
Մանրամասները՝ տեսանյութում։
