«Նախորդ իշխանության՝ ռեժիմի ժամանակ քաղաքականությամբ զբաղվելն անիմաստ էր, նույնիսկ՝ վտանգավոր, իսկ այժմ ֆանտաստիկ փոփոխություններ են տեղի ունեցել, մենք ապրում ենք նոր իրողությունում, և ես իմ պարտքն եմ համարում քաղաքականության մեջ ներգրավվել»,- «Առաջին լրատվական»- ի հետ զրույցում ասաց «Լույս» դաշինքի ավագանու թեկնածու, «Վերադարձ Հայաստան» հիմնադրամի տնօրեն Վարդան Մարաշլյանը՝ հավելելով, որ հետաքրքրված է Երևանի վիճակով և ուզում է իր լուման ունենալ մայրաքաղաքի զարգացման հարցում:
«Վերադարձ Հայաստան» հիմնադրամի շրջանակներում ձևավորել ենք հայրենադարձների ցանց, որն ունի 6000-ից ավելի անդամ: Այդքան մարդ Հայաստան է տեղափոխվել 100-ից ավելի քաղաքներից, և կարծում եմ, որ յուրահատուկ հնարավորություն է օգտագործել նրանց փորձը՝ մեր քաղաքը դարձնելու ավելի լավը, ավելի ժամանակակից»,- նշեց Վ. Մարաշլյանը՝ հավելելով, որ միջազգային կազմակերպություններում, պետական և մասնավոր սեկտորում իր աշխատանքային փորձը ևս կարող է օգտակար լինել քաղաքի զարգացման ռազմավարական հարցերում:
Մեր զրուցակցի դիտարկմամբ՝ հեղափոխությունը հաջողությամբ ավարտին հասցնելու և արդարության ու արդյունավետության առումով նոր երկիր ունենալու համար յուրաքանչյուրը պետք է իր մեջ հեղափոխություն կատարի:
Մանրամասն՝ տեսանյութում:
