Ուկրաինայում պատասխանել են դավաճանության մեջ ԱՄՆ մեղադրանքներին

Արմատական կուսակցության ուկրաինական պատգամավոր Օլեգ Լյաշկոն պատասխանել է Կիևի դավաճանության վերաբերյալ Միացյալ նահանգների մեղադրանքներին։

Լյաշկոն մեղադրել է ԱՄՆ–ին այն բանում, որ ԱՄՆ–ն չի գնում «Մոտոր Սիչ» շարժիչները, սակայն քննադատում է ընկերությանը, որը առանց պայմանագրերի կսննկանա, իսկ նրա բարձր որակավորում ունեցող մասնագետները կմնան առանց աշխատանքի։

Օգոստոսի 17-ին հայտնի էր դարձել, որ ամերիկյան փորձագետները կոչ են անում ԱՄՆ իշխանություններին ճնշում գործադրել Ուկրաինայի վրա, որը Չինաստան է արտահանում սեփական արտադրության շարժիչները։

JL-10 ուսումնա–ռազմական ինքնաթիռների համար 380 միլիոն դոլարի 250 շարժիչների մատակարարման պայմանագիրը ուկրաինական «Մոտոր Սիչ» ընկերությունը կնքել էր ՉԺՀ–ի հետ դեռևս 2016 թվականին։ Նույն թվին էլ 20 շարժիչ էր ուղարկվել։

2017 թվականի օգոստոսին The New York Times թերթում տեղեկություն էր հայտնվել, որ Հյուսիսային Կորեան կարող է բալիստիկ հրթիռների արտադրության համար ստանալ ուկրաինական «Յուժմաշ» կոնցեռնի շարժիչները։ Ուկրաինական ձեռնարկությունը այն ժամանակ հերքեց այդ տեղեկությունը, նշելով, որ եթե նույնիսկ տեխնոլոգիաները օգտագործվել են, ապա դրանք պատճենվել են հանցավոր ճանապարհով։

Ինը տարի առաջ Ուկրաինային կրկին բռնել էին ԿԺԴՀ–ի հետ համագործակցության մեջ։ 2009 թվականին Թաիլանդում զենքով բեռ էր առգրավվել, որը Փհենյանից Կիև էր ուղևորվում։