ԱՄՆ իշխանությունները քրեական գործեր են հարուցել ընդդեմ Ուկրաինայի նախագահ Պյոտր Պորոշենկոյի: Այդ մասին պատմել է Օդեսայի նախկին նահանգապետ Միխայիլ Սահակաշվիլին՝ գրում է iz.ru-ն:
«Հենց որ նա դադարի նախագահ լինելուց, նրան ոչ մի երկիր չի ընդունի. ԱՄՆ-ում նրան բանտ կնստեցնեն, ինչպես Լազարենկոյին, որովհետև ՀԴԲ-ն նրա դեմ մի թղթապանակ գործ է հարուցել»,- ասել է Սահակաշվիլին:
Նա պարզաբանել է, որ այդ գործերը կապված են Պորոշենկոյի օֆշորային հաշիվների հետ: Ինքը՝ Սահակաշվիլին, Ուկրաինայի առաջնորդին համարում է քրեական հանցագործ, ով պատասխանատու է հազարավոր մարդկանց մահվան համար: «Բայց ամենակարևորը՝ նա հույսեր է սպանել. նա ժամանակ է սպանել, ինչը աններելի է»,- ասել է Սահակաշվիլին:
