Նյու Յորքի Բինգեմտոնի համալսարանի Բժշկական գիտահետազոտական լաբորատորիայի տնօրեն Քեննեթ ՄաքԼաուդը բացատրում է, թե ինչպես են կապված սրտի աշխատանքը և նյութափոխանակության արագությունը, թե ինչու դիետան և վարժությունները հազիվ թե կարողանան պահպանել կորցրած քաշը:
Յուրաքանչյուր ոք, ով փորձում է նիհարել և պահպանել արդյունքը, գիտի, թե որքան դժվար է դա: Թվում է, թե դա հեշտ է՝ պարզապես նվազեցնել կալորիաների օրական նորման և վարժություններ կատարել՝ դրանք այրելու համար: Սակայն հետազոտությունը ցույց է տվել, որ այդ ռազմավարությունը արդյունավետ չէ մարդկանց մեծամասնության համար:
Քաշի կորուստը հաճախ հանգեցնում է նյութափոխանակության դանդաղեցման, և նոր քաշը պահպանելը դառնում է դժվար: Մարդն ունի տափակաձկնաձև մկան, որն օնում է օրգանիզմում արյան և այլ հեղուկների շրջանառությանը: Կարևոր է, որ այն միշտ ակտիվ լինի՝ դա արագացնում է նյութափոխանակությունը, երբ մարդը նստում կամ կանգնում է: Պատահական չէ, որ այդ մկանը համարում են երկրորդ սիրտ: Այդ մկանը դեպի սիրտ է մղում արյունը և այդ կերպ թույլ է տալիս պահպանել նյութափոխանակության նորմալ արագությունը հանգիստ վիճակում:
