«Համաշխարհային միտում կա. դասական հեռուստաալիքների լսարանը փոքրանում է: Որակի համար պետք է վճարել,- «Առաջին լրատվական»-ի հետ զրույցում ասաց Arev TV-ի գլխավոր պրոդյուսեր Արմեն Գրիգորյանը: Նրա դիտարկմամբ՝ հեռուստատեսությունները սերիալներ շատ են ցուցադրում, քանի որ դրանք էժան են, իսկ հնդկական սերիալներն ավելի էժան են: Նրա խոսքով՝ սերիալներում միշտ նույն թեմաներն են, ու որպեսզի հանդիսատեսը չձանձրանա, կա մի քանի աշխատող տրյուկ, կա՛մ մեկին պետք է սպանեն, իսկ եթե սիրված հերոս է՝ վիրավորեն, կա՛մ մեկին բռնաբարեն:
«Մեր իդեան որակյալ կոնտենտ ստեղծելն է: Մենք ունենք 3 հիմնական ուղղություն՝ հասարակական-քաղաքական, որը ծաղկեց հեղափոխության ներքո, ունենք նաև ուսուցողական և զվարճացնող կոնտենտ»,- նշեց Գրիգորյանը:
Նախկին ՈւՀԱ անդամի դիտարկմամբ՝ ծիծաղը զվարճանք չէ միայն. «Ծիծաղը նաև քաղաքական ամենաուժեղ զենքն է: «Խորհրդային Միությունը փլուզեց ծիծաղը: Երբ որ ժողովրդի մեջ լայն տարածում գտան անեկդոտները Բրեժնևի մասին, դա առաջին նշանն էր, որ այդ պետությունը փլուզվելու է: Վերջին տարիներին լայն տարածում գտան անեկդոտները Սերժ Սարգսյանի մասին, և դա առաջին նշանն էր, որ այդ ռեժիմը պետք է հեռանար:
Նիկոլ Փաշինյանի մասին կան անեկդոտներ, բայց Փաշինյանը դեռևս շանս չի տվել, որ նրա մասին վիրավորական անեկդոտներ պատմեն:
Քաղաքական հումորը և սարկազմը նույնքան անհրաժեշտ է Հայաստանին, որքան կոռուպցիայի դեմ պայքարը, ուժեղ բանակը»:
Մանրամասները՝ տեսանյութում:
