Աֆղանական պատերազմի վետերանների միության անդամներն ահազանգում են, որ այս միության խորհրդի նախագահ Արմեն Մխիթարյանը՝ տարիներ շարունակ «քանդում է իրենց կառույցը՝ այն վերածելով նախկին իշխանություններին սպասարկող շտաբի»։
Այս կապակցությամբ «Աֆղանական պատերազմի վետերանների միության» խորհրդի անդամ Արմեն Գրիգորյանը «Առաջին լրատվական»-ի հետ զրույցում նշեց․ «Մխիթարյան Արմենից որպես ընկեր մենք դժգոհություն չենք ունեցել․ նա մեզ հետ միասին կռվել է աֆղանական պատերազմում, հետո մասնացել է ղարաբաղյան պատերազմին, բայց մի քանի տարի առաջ մեր միության խորհրդի նախագահ և ՀՀԿ խմբակցության պատգամավոր դառնալուց հետո՝ նա սկսեց ծառայել նախկին իշխանություններին ու սկսեց ժողովրդի մեջ մեր անունը խայտառակել, մեր միության անունը հեղինակազրկել ու ծառայելով նախկին ռեժիմին՝ նա մեր միությունն օգտագործում էր նաև իր ու իր մերձավոր շրջապատի անձնական շահերի համար, նա մեր կառույցն այնպիսի վիճակի է հասցրել, որ մեր տղաներից շատերը հիասթափվել են ու անգամ չեն էլ ուզում այլևս ոտք դնեն այդ կառույց, որովհետև Մխիթարյան Արմենը արդեն 22 տարի է քանդում է մեր կազմակերպությունը։
Քանի որ հիմա փոխվել է իշխանությունը մեր երկրում, չկան արդեն Ռոբերտ Քոչարյաններ ու Սերժ Սարգսյաններ, մենք մեր բողոքի ձայնն ենք բարձրացնում, որպեսզի Մխիթարյան Արմենը ինքնակամ հրաժարվի մեր կառույցի նախագահը լինել, հերիք ա արդեն էս ժողովրդի կյանքն ուտեք , թողեք ռադներդ քաշեք-գնացեք, որ էս ժողովուրդը շունչ քաշի»։
Ապա խոսքն ուղղելով Արմեն Մխիթարյանին՝ Արմեն Գրիգորյանը շեշտեց․ «Արմեն Մխիթարյան, դու նստել ես մեր տղաների բկին, թող գնա, մեր տղաները չպետք է քո պատճառով ամաչեն, ինչ-որ ունես՝ հերիք ա, գնա վայելի»։
Այս միության մեկ այլ անդամ՝ Հարություն Հայրապետյանն էլ իր հերթին հավելեց․ «Մեր միությունը վերջին 20 տարում կորցրել է իր նշանակությունը, չի մասնակցում Հայաստանի կայացման ոչ մի գործընթացի՝ չնայած նրան, որ 1988թ-ին Արցախյան պատերազմի ժամանակ աֆղանցիներն ունեցել են ամենամեծ մասնակցությունը՝ թե Համազգային շարժմանը, թե Արցախյան պատերազմին, իսկ պատերազմից հետո աֆղանցիները մեծ ներգրավվածություն են ունեցել հայկական բանակաշինության գործում, պետական պահպանության, ԱԱԾ և մնացյալ ուժային կառույցների կայացման գործում, բայց սկսած 1996-1997թթ-ից ՝ չգիտես ինչու մեր միության տղաները սկսեցին կամաց-կամաց դուրս մղվել ուժային կառույցներից․ հիմա մեր հիմնական ցանկությունը, պահանջն այն է, որ Արմեն Մխիթարյանը հեռանա ու մեր միության տղաների մասնակցությունը կրկին լինի պետականաշինության և հիմնականում՝ մեր բանակի կայացման գործըւնթացում»։
Մանրամասները՝ տեսանյութում։
