Միջազգային World Weather Attribution կազմակերպությունը ներկայացնող գիտնականները խոսել են անցյալ տարի օգոստոսին Իտալիայում, Խորվաթիայում և Ֆրանսիայի հարավում գրանցված գլոբալ տաքացման պատճառների մասին՝ գրում է news.allcrimea.net-ը:
Մասնագետների եզրակացության համաձայն՝ օդի ջերմաստիճանի կտրուկ բարձրացման պատճառը կլիմայի անթրոպոգեն փոփոխությունն է: Ըստ գիտնականների՝ 2050-ականներից սկսած՝ նման անոմալ շոգերը կդառնան սովորական:
Եղանակաբանները հաճախ են կարծիք հայտնում, որ կլիմայական փոփոխությունները մարդու գործունեության արդյունք են: Շատերի կարծիքով՝ նույնիսկ դրանք անդառնալի փոփոխություններ են, և այլևս ոչինչ հնարավոր չէ անել՝ կանխելու համար կործանարար տաքացումը:
