Վերջին շրջանում շատ է խոսվում գազի և էլեկտրաէներգիայի սակագների նվազման մասին: Թեմայի շուրջ «Առաջին լրատվական»- ի հետ զրույցում էներգետիկ ոլորտի փորձագետ Վահե Դավթյանը նշեց. «Առհասարակ սակագնային կարգավորումը էներգետիկ ոլորտի այսբերգի ամենավերին հատվածն է, եթե փորձենք ավելի խորքային դիտարկել հարցը, կտեսնենք, որ սակագնային կարգավորման վրա ազդում են մի շարք լուրջ ռազմավարական բնույթի գործոններ: Մեր էներգետիկ ոլորտում բացակայում է երկարաժամկետ զարգացման ծրագիրը, բացակայում է ռազմավարությունը:
Վերջին տարիներին մի քանի անգամ կտրուկ փոխվել է մեր էներգետիկ ոլորտի քաղաքականությունը, մե՛կ Իրանից ենք փորձում գազի ներկրումն ավելացնել, ոլրպեսզի դիվերսիֆիկացվի մեր էներգետիկ համակարգը, պարզվում է՝ հնարավոր չէ, որովհետև թանկ է: Հետո խոսվում է Թուրքմենստանից գազի ներկրման մասին, հետո պարզվում է, որ դա ընդամենը դիվանագիտական հռետորաբանություն է… Մշակում ենք փոքր հիդրոէներգետիկայի զարգացման սխեման, այնուհետև տարիների ընթացքում այնպիսի պայմաններ են ստեղծվում, որ տնտեսվարողներին ձեռնտու չեն: Արևային էներգետիկայի օգտագործումն էլ իր հերթին համապատասխան էլիտաների կողմից առաջ քաշվող ուղղություն էր, որով ուզում էին ուղղակիորեն հարված հասցնել փոքր էներգետիկային»:
Դավթյանի դիտարկմամբ՝ մեր էներգետիկ քաղաքականության օրակարգ է կտրուկ փոխվել է: «Եթե հարցը տնտեսական տիրույթում ենք դիտարկվում, ապա ակնհայտորեն ունենք բոլոր նախադրյալները՝ նվազեցնելու գազի սակագինը թե՛ սահմանին, թե՛ երկրի ներսում»,- նշեց էներգետիկ ոլորտի փորձագետը:
Մանրամասն՝ տեսանյութում:
