Հնդկաստանի բնակիչը հարսանիքից մեկ շաբաթ անց որոշել է ամուսնալուծվել, այն բանից հետո, երբ տեսել է իր նորաթուխ կնոջն առանց քողի։ Տղամարդը բողոքել է, որ ոչ մի անգամ չի տեսել իր ընտրյալի դեմքը, արդյունքում իր առջև այն գեղեցկուհին չի հայտնվել, ինչպես իրեն էին ներկայացրել։ Ապագա ամուսինները նույնիսկ չէին շփվել իրար հետ, քանի որ հարսանիքի մասին պայմանավորվել էին նրանց ծնողները։
«Երբ ես տեսա առաջին անգամ նրա դեմքը, նա շպարված էր։ Հետո մենք միասին յոթ օր անցկացրեցինք և ես մեկնեցի աշխատանքի։ Սակայն, վերադառնալով, նկատեցի, որ նա մորուք ունի և, որ տղամարդու է նման»,– պատմել է խաբված տղամարդը։
Ինքը՝ կինը, խոստովանել է, որ հորմոնալ խնդիրների պատճառով են իր դեմքին մազեր աճում, սակայն դեղերի օգնությամբ դա հեշտությամբ կարելի է վերացնել։ Դատարանում նա նաև հայտարարել է, որ իր ընտանիքը ամուսնուն բավական մեծ գումար է վճարել որպես օժիտ, ամուսնալուծվելու դեպքում ամուսինը պետք է մինչև վերջին կոպեկը դա հետ վերադարձնի։ Կնոջ խոսքերով՝ ինքը ֆիզիկական և հոգեկան բռնության է ենթարկվել ամուսնու կողմից, որը նույնիսկ փորձել է իրեն դուրս հանել տնից։
Արդյունքում դատարանը մերժել է տղամարդու՝ ամուսնալուծվելու վերաբերյալ հայտը, հայտարարելով, որ հիմնավոր պատճառներ բաժանության համար չի տեսնում։
