ԱՄՆ նախագահ Դոնալդ Թրամփը խորհուրդ է տվել ընտրությունների չգնալ նրանց, ովքեր կեղծամ են կրում։ Նման հայտարարություն նա արել է Հարավային Կարոլինա նահանգում իր կողմնակիցների հետ հանդիպման ժամանակ, փոխանցում է Fox News-ը։
«Բոլորն ասում էին, որ իմ մազերն իսկական չեն, որ դրանք իմը չեն, և որ ես կեղծամ եմ կրում։ Բայց այլևս ոչ ոք չի խոսում այդ մասին, քանի որ ես եղել եմ հորդառատ անձրևի տակ, դիմակայել եմ 60 կմ/ժ արագությամբ քամուն։ Եթե դրանք քո մազերը չեն, ընտրությունների մի՛ գնա»,-ասել է Թրամփը։
ԱՄՆ-ի բնակիչների շրջանում երկար ժամանակ շրջանառվում էր կարծիքը, որ նախագահի մազերը կեղծամ են։ Սակայն շատերը, այդ թվում նաև Թրամփի վարսահարդարը, հերքել են այդ լուրերը։
