Կանադացի պարուհին մի ամբողջ կարողություն է ծախսել J չափսի կուրծք, Ջոլիի շրթունքներ և բրազիլական հետույք ունենալու համար։ Այս մասին հաղորդում է The Mirror պարբերականը։
Վերջին չորս տարիների ընթացքում 24-ամյա Մերի Մագդալենը կուրծքը մեծացնելու երեք վիրահատություն է տարել, փոխել է քթի ձևը, բոտոքսի ավելի քան տասնհինգ սրսկում է ստացել շրթունքներին և մոտավորապես այդքան էլ հետույքին։ Աղջիկն ընդհանուր առմամբ մոտ 150 հազար դոլար է ծախսել իր արտաքինի վրա։
Մերին չի պատրաստվում կանգ առնել, չնայած որ նրա հայրը, ով նախկին հոգևորական է, հավանություն չի տալիս այս ամենին։ Բացի այդ, կրծքի մեծության պատճառով աղջիկը շնչառական խնդիրներ է ձեռք բերել։ Նա խոստովանել է, որ վիրահատությունների նկատմամբ իր մղումը կապված է նաև մասնագիտության հետ. եթե ինքն այլ աշխատանք ունենար, չէր փոխի արտաքինն ու այսքան դաջվածք չէր անի մարմնի վրա։
Մագդալենը խոստովանում է, որ մարդիկ ոչ միշտ են ադեկվատ արձագանքում իր արտաքինին. տարեցները աշխատում են պարզապես չնկատել նրան, իսկ երեխաները իր շրթունքները ձկան բերանի հետ են համեմատում։ Ամեն դեպքում, նա գտնում է, որ վառ կերպարն օգնում է իրեն գումար վաստակել և ինքը գոհ է հայելու մեջ իր արտացոլանքից։
