Newsbook.am-ի փոխանցմամբ՝ դեկտեմբերի 10-ին, ըստ շրջանառվող լուրերի, զորամասում ինքնսպանություն գործած Վանիչկա Հովակիմյանի «գործը» նոր զարգացումներ է գրանցում: Ինչպես արդեն տեղեկացրել ենք, ձերբակալվել է նրա ծառայակից, Աբովյանից զորակոչված 19-ամյա Շմավոն Կյուրեղյանը, որն էլ խոստովանել է, որ Հովակիմյանին ինքնասպանության դրդելիս իր հետ է եղել նաև Սևանից զորակոչված 20-ամյա Պարույր Մկրտչյանը:
Եվ ահա, տեղեկանալով, որ Կյուրեղյանը ձերբակալվել է, Մկրտչյանը փախել է զորամասից: Աստիճանաբար սկսում են հաստատվել այն կասկածները, որ Հովակիմյանը ոչ թե ինքնակամ է ինքասպանություն գործել, այլ նրան պարտադրել են այս երկուսը, որոնք պահանջել են Հովակիմյանից զանգահարել տուն և ուզել իբր կորած հեռախոսի գումարը:
Սակայն Վանիչկա Հովակիմյանը, գիտենալով ընտանիքի ծանր սոցիալական վիճակը, ինչպես նաև չընդունելով իրեն գողության մեջ կասկածելու մեղքը, հենց ծառայակիցների պարտադրանքով ինքնասպանություն է գործել:
Մանրամասները՝ Newsbook.am-ում:
