ՀՀ ԱԺ նախկին պատգամավոր Անահիտ Բախշյանը բաց նամակ է ուղղել ՀՀ քննչական կոմիտեի ղեկավար Աղվան Հովսեփյանին՝ խնդրելով բացահայտել գեներալ Արթուր Աղաբեկյանի կողմից նախկինում ղեկավարված «Մարտիկ» հիմնադրամի հաշվեհամարին կա՞ գումար, թե՞ ոչ։
«2016թ. մայիսից բարձրաձայնում եմ 2002թ. հիմնադրված «Մարտիկ» հիմնադրամի հոգաբարձուների խորհրդի նախագահ Արթուր Աղաբեկյանի ոչ թափանցիկ ու ոչ հրապարակային, Հիմնադրամի սահմանած կանոնադրական նպատակներին չծառայող գործունեության մասին, սակայն ձայն բարբառո հանապատի:
… Հույս ունեմ, որ այս անգամ պետական ճիշտ մարմնի եմ դիմել ու Ձեզնից ակնկալում եմ բացել, ավելի ճիշտ՝ պատռել «Մարտիկ» հիմնադրամի գործունեության վրա ընկած թանձր քողն ու մեր հասարակությանը վերջապես պարզաբանել՝ այդ 1.2 մլն դոլարը տվյալ հաշվեհամարում կա՞, թե՞ ոչ»,- ասված է նամակում։
