Հեղափոխությունը բացի լույսից, ունի նաև ստվեր: «Առաջին լրատվական»- ի հետ զրույցում, անդրադառնալով ներկա քաղաքական իրավիճակում առկա վտանգներին և ռիսկերին, մշակութային մարդաբան Աղասի Թադևոսյանը նշեց. «Այժմ շատ կարևոր մարտահրավեր է հասարակության վստահության վրա ձևավորված կապիտալը տրանսֆորմացնել քաղաքական այնպիսի կապիտալի, որն սկսում է ամրապնդվել կատարված գործերի միջոցով:
Նա նաև կարծիք հայտնեց, որ Հայաստանում կատարվող պրոցեսները չեն վախեցնում գործընկեր և ոչ գործընկեր պետություններին: «Ն. Փաշինյանը հստակ դրեց արտաքին աշխարհի հետ հարաբերությունների վեկտորները, ինչը բերեց նրան, որ իր հանդեպ վստահություն ձևավորվեց թե՛ Ռուսաստանի, թե՛ Արևմուտքի վերնախավի մոտ, և դա բավական շահեկան վիճակում դրեց Հայաստանը:
Իմ կարծիքով մեր առավելությունը և ուժը ոչ թե որևէ քաղաքական ուժի կամ անձի մեջ է, այլ քաղաքացիական շարժման և ամբողջ ժողովրդի մեջ է, և դա Ռուսաստանին հետ պահեց այդ պահին միջամտելուց: Միջամտությունը Ռուսաստանի վարկանիշի կտրուկ անկում կառաջացներ Հայաստանում:
Եթե Հայաստանի իշխանությունն իր քաղաքական կապիտալը ձևավորում է ժողովրդի իշխանության ռեսուրսի վրա, ապա արտաքին որևէ ուժ շատ զգուշությամբ և հարգանքով պետք է վերաբերվի այդ իշխանությանը»,- նշեց Ա.Թադևոսյանը:
Մշակութային մարդաբանն անդրադարձավ նաև «Էլեկտրիկ Երևան» շարժանը, նշելով, որ այդ շարժումը «ինքն իրեն մաշվեց» մի քանի խնդիրների պատճառով: Ա. Թադևոսյանը կարծիք հայտնեց, որ, այնուամենայնիվ, վերջին շրջանում քաղաքական հաջողությունների հարցում ազդեցություն է թողել նաև նախորդ քաղաքացիական շարժումների փորձը:
Ա. Թադևոսյանն ընդգծեց, որ ստեղծված իրավիճակը հեղափոխական է և հավելեց, որ կարևոր խնդիրը քաղաքական գիծը պահել է: Նրա խոսքով՝ Նիկոլ Փաշինյանը երկիրն ազատել է հավերժական թվացող հիերարխիկ խմբերից, որը սարսափելի հոգեվիճակ էր ձևավորել մարդկանց մեջ՝ անհուսություն և անզորություն: Ըստ մարդաբանի՝ Փաշինյանը գործով հասավ արդյունքի:
«Բացառիկ պրոցեսների ենք մասնակցում»,- նշեց մեր զրուցակիցը: Նա նաև կարծիք հայտնեց, որ Փաշինյանը կարող է չեզոքացնել կրիմինալներին:
Մանրամասները՝ տեսանյութում:
