ԱՄՆ ազգային հետախուզության տնօրենի բազմամյա խորհրդական Ջեյմս Կլեպերը ստիպված է եղել լքել պաշտոնն այն բանից հետո, երբ հայտնի է դարձել չինական հեռահաղորդակցական հսկա Huawei-ի հետ համագործակցության մասին:
Չինաստանի հարցերով միջազգային ներդրումների ոլորտի մասնագետ Թեոդոր Մորանը 2007 թվականից ԱՄՆ ազգային հետախուզության տնօրենին կից օտարերկրյա ներդրումների խորհրդատվական խորհրդի անդամ է: Այս մասին հայտնում է Associated Press-ը:
Բացի այդ, նա ներառված է եղել հետախուզության ազգային խորհրդում, որը կազմված է 18 փորձագետներից: Կապված զբաղեցրած պաշտոնների հետ՝ Մորանը հասանելիություն է ունեցել ԱՄՆ կառավարության գաղտնի նյութերին:
Ինչպես հայտնում է գործակալությունը, Մորանը ստիպված է եղել հրաժարական տալ երկու պաշտոններից այն բանից հետո, երբ Վիրջինիա նահանգից ԱՄՆ Կոնգրեսի անդամ Ֆրենկ Վոլֆը հայտնել է չինական Huawei ընկերության հետ փորձագետի համագործակցության մասին: Կոնգրեսականի տվյալներով՝ Մորանը խորհրդատուի վճարովի ծառայություններ է մատուցել ընկերությանը:
Ավելի վաղ ԱՄՆ ներկայացուցիչները հրապարակավ հայտարարել էին իրենց կասկածների մասին Huawei-ի հնարավոր լրտեսումների վերաբերյալ: Ընկերությունը հերքում է մեղադրանքները:
