Սիրիայի զինված ուժերը հայտարարել են մայրաքաղաք Դամասկոսի բոլոր թաղամասերի վերահսկողությունն ամբողջությամբ վերադարձնելու մասին: Վերջին 6 տարվա ընթացքում սա առաջին դեպքն է, հաղորդում է BBC-ն։
«Դամասկոսը և դրա շրջակայքը, արվարձանները և մոտակա քաղաքներն ամբողջությամբ ապահով են՝ մի շարք ինտենսիվ և հետևողական ռազմական գործողությունների շնորհիվ»,- ասել է Սիրիական բանակի գլխավոր հրամանատարի խոսնակ Գեն Ալի Մայհոուբը պետական հեռուստատեսությունում ելույթ ունենալու ժամանակ:
Հայտարարությունն արվել է, երբ զորքերն ազատել են Էլ Հաջար Էլ Ասվադում տեղակայված փախստականների ճամբարն ԴԱԻՇ ահաբեկչական խմբավորման գրոհայիններից:
Նշվում է, որ մի շարք ջիհադիստներ ավտոբուսով տեղափոխվել են Արևելյան Սիրիա:
