Միլանում Տոր մականվամբ շունը 1 մլն եվրոյի ժառանգություն Է ստացել: Այս մասին հայտնում Է La Repubblica պարբերականը: Փողոցից վերցված շան տերը՝ Պասկուալե Ռիցոն, մահացել Է ապրիլի վերջին՝ 91 տարեկան հասակում:
Պարբերականը նշում Է, որ Պասկուալեն անմիջական ժառանգորդներ չուներ, ուստի ամբողջ ունեցվածքը, որը դատարանի կողմից գնահատվել Է 1 մլն եվրո, նա կտակել Է Տորին: Ռիցոն մոտավորապես 7 տարի առաջ իր տնից ոչ հեռու գտել Է շան քոթոթի եւ այդ ժամանակվանից չի բաժանվել նրանից: 2014 թվականին Տորը փրկել Է իր տիրոջ կյանքը, որը սրտի տագնապ Է ունեցել:
Երբ տղամարդն իրեն վատ Է զգացել, շունն սկսել Է այնքան ուժեղ հաչել, որ գրավել Է հարևանների ուշադրությունը, որոնք շտապ օգնություն են կանչել: Իր մահից ոչ շատ առաջ թոշակառուն դիմել Է փաստաբաններին եւ խնդրել շանը հանձնել երկու բնակարանները եւ բանկային երկու հաշիվները: Քանի որ Իտալիայում անկարելի Է կենդանուն նշանակել անմիջական ժառանգորդ, կտակակատար Է նշանակվել Ռիցոյի ընկերը, որն այժմ պետք Է հետևի, որ հանգուցյալի վերջին ցանկությունը կատարվի հավուր պատշաճի։
