Moody’s Investors Service վարկանշային գործակալությունը «բացասականից» «կայունի» է բարձրարել Իսպանիայի վարկային վարկանիշի կանխատեսումը վիճակագրության ֆոնին: Դա վկայում է կայուն տնտեսական վերականգնման և աճի հեռանկարների բարելավման մասին, հայտնում է Vesti-ն:
Իսպանիայի վարկային վարկանիշը հաստատվել է Baa3 մակարդակի վրա, որը ամենացածն է ներդրումային դասի վարկանիշների շարքում:
Երրորդ եռամսյակում Իսպանիայի տնտեսությունը դուրս է եկել երկամյա ռեցեսիայից: Կառավարությունը սպասում է, որ հաջորդ տարի տնտեսական աճը բավական մեծ կլինի աշխատատեղերի ստեղծման համար, չնայած ԱՄՀ-ն կանխատեսում է, որ գործազրկության մակարդակը մինչ 2018 թվականը 25 տոկոսից չի իջնի:
Վարկանշային կանխատեսումը վերանայվել է՝ կապված իսպանական սուվերեն պարտքին առնչվող ռիսկերի նվազեցման հետ:
Հիշեցնենք, որ նոյեմբերի 29-ին Standard & Poor’s-ը նույնպես բարձրացրել էր Իսպանիայի պարտքային պարտավորությունների կանխատեսումը՝ «բացասականից» հասցնելով «կայունի»: Երկրի երկարաժակետ վարկային վարկանիշը հաստատվել էր ВВВ մակարդակի վրա, ինչը նույնպես ամենացածր ներդրումային մակարդակն է: