Իրանի արտաքին գործերի նախարար Մոհամադ Ջավադ Զարիֆը քննադատության է ենթարկել Իրանի միջուկային գործարքը տապալելու ԱՄՆ-ի փորձերը եւ Եվրոպային կոչ է արել մեծ ջանքեր գործադրել Գործողությունների համատեղ համապարպակ ծրագիրը (ԳՀՀԾ) պահպանելու համար։ Այս մասին Զարիֆը հայտարարել է Շվեդիայի ԱԳ նախարարի առաջին տեղակալ Աննիկա Սյոդերի հետ հանդիպման ժամանակ, փոխանցում է IRNA–ն։
Հանդիպման ժամանակ կողմերը մտքեր են փոխանակել մի շարք արդիական միջազգային հարցերի, այդ թվում`Իրանի միջուկային գործարքի շուրջ ստեղծված իրավիճակի, ինչպես նաեւ ԱՄՆ նախագահ Դոնալդ Թրամփի՝ գործարքից հրաժարվելու փորձերի շուրջ։ Քննարկվել են նաեւ երկկողմ համագործակցության հարցեր։
Իրանն ու «Մեծ վեցնյակ» միջազգային միջնորդները 2015 թվականի հուլիսին Իրանի միջուկային ծրագրի շուրջ համաձայնագիր են ստորագրել, որն հայտնի է որպես Գործողությունների համատեղ համապարպակ ծրագիր։ Համաձայն փաստաթղթի՝ Թեհրանը պարտավորություն է ստանձնել սահմանափակել ուրանի հարստացման աշխատանքները տնտեսական եւ ֆինանսական պատժամիջոցներըի չեղարկման փոխարեն։
Հունվարի 12-ին Թրամփը հայտարարել է, որ ԱՄՆ–ն դուրս կգա համաձայնագրից, եթե այն չհաջողվի ուղղել եւ մինչեւ մայիսի 12-ը այդ հարցով որոշում կկայացնի։
