Իտալիայի ոստիկանությունն անցած ուրբաթ ձերբակալել է Եվրոպայի հնագույն համալսարանի պրոֆեսորին, ում կասկածում են թմրանյութերի անօրինական տարածման մեջ: Նախնական տվյալների համաձայն՝ հոգեբուժության պրոֆեսոր Ալեսանդրո Սերետին բուհի ուսանողներին կոկաին, ինչպես նաև «էքստազի» է փոխանցել:
Հետաքննությունը սկսվել է այն բանից հետո, երբ Բոլոնյան համալսարանի վարչակազմին պրոֆեսորի դեմ խմբակային բողոք է ներկայացվել, որը ստորագրել են նրա 32 ուսանողներից 25-ը, գրում է Il Resto del Carlino-ն:
Ուսանողներն իրենց 16 էջանոց բողոքում պնդում են, որ դասախոսը երեկույթներ է կազմակերպել, որոնց ժամանակ երիտասարդներին համոզել է ինչպես ալկոհոլ, այնպես էլ թմրանյութեր օգտագործել: Սերետին զիջումներ է արել այն ուսանողներին, ում հետ նրան հաջողվել է վստահելի հարաբերություններ ձևավորել: Որոշ տվյալների համաձայն՝ պրոֆեսորին կասկածում են նաև ուսանողների հետ սեքսուալ կապերի մեջ:
Հայտնի է, որ Ալեսանդրո Սերետին Բոլոնյան համալսարանում է աշխատում 2006 թ. սկսած: Նա կեսաբանություն, բժշկություն և հոգեբանություն է դասավանդում:
Ուսումնական հաստատության ղեկավարը չի պատրաստվում աջակցել պրոֆեսորին, եթե հաստատվի նրա դեմ մեղադրանքների նույնիսկ մեկ տասներորդ մասը, գրում է Corriere di Bologna-ն:
Նշենք, որ որոշ ուսանողներ պաշտպանել են դասախոսին՝ նրա դեմ առաջադրված մեղադրանքները «զրպարտություն» անվանելով:
