ԱԺ «Ծառուկյան» խմբակցության պատգամավոր Նապոլեոն Ազիզյանի համար սպասելի չէր վարչապետ Սերժ Սարգսյանի հրաժարականը: «Չէի սպասում, որ մեզ մոտ սենց լույս է բացվել, սենց քաղաքական հասարակություն է ձևավորվել, ընդ որում՝ լրիվ երիտասարդ»,- այսօր Ծիծեռնակաբերդում լրագրողների հետ զրույցում ասաց Նապոլեոն Ազիզյանը:
Նրա խոսքով՝ ինքը համոզված չէր, որ կարող է այդպես կրիտիկական մասսա հավաքվեր. «Բայց եղավ այն, ինչ եղավ»:
««Բարգավաճ Հայաստան»-ը, «Ծառուկյան» դաշինքը միշտ էլ եղել է ժողովրդի կողքին, բայց ոչ թե ինչ-որ մեկին հեռացնելու համար»,- ասաց «Ծառուկյան» խմբակցության պատգամավորը՝ խույս տալով կոնկրետ պատասխանից, թե իրենք կմիանա՞ն ժողովրդին նաև Հանրապետականի դեմ պայքարում:
«Երեկ զանգահարեցին մեզ ասացին, որ պետք է անպայման գաք ԱԺ հատուկ նիստին՝ անձեռնմխելիությունից զրկելու համար, Ծառուկյանի հանձնարարությամբ «Ծառուկյան» դաշինքից ոչ մեկը ոչ տանից դուրս եկավ, ոչ էլ գնաց: Ես կյանքում չեմ գնա կնոպկա սեղմեմ, որ ինչ-որ մեկին կալանավորեն»,- ասաց Նապոլեոն Ազիզյանը՝ նշելով, որ իր թոռները ևս մասնակցել են ցույցերին:
Ամբողջությամբ՝ տեսանյութում:
