2015 թվականին, Ռումինիայում գիշերային ակումբի հրդեհից հետո, բողոքի ակցիաները, որտեղ ավելի քան 30 մարդ էր զոհվել, հանգեցրին կառավարության հրաժարականին: Սակայն նման բան տեղի չի ունենա Ռուսաստանում, այն բանից հետո, երբ առևտրի կենտրոնում բռնկված հրդեհի արդյունքում 64 մարդ զոհվեց, այդ թվում երեխաներ, չնայած որ, վերջին հաշվով, այս ողբերգությունը կառավարության մեղքով է տեղի ունեցել:
Ողբերգության կապակցությամբ ոստիկանությունը ձերբակալել է առևտրի կենտրոնի ղեկավարության մի քանի անդամների:
Չնայած այն հանգամանքին, որ «Ձմեռային բալ» առևտրի կենտրոնը 23000քմ ընդհանուր մակերեսով խոշոր օբյեկտ է, այն պաշտոնապես փոքր բիզնեսի ձեռնարկություն էր համարվում, որը իրավունք էր տալիս օգտվել նրան «ստուգատեսային արձակուրդներից», այլ խոսքերով ասած՝ երեք տարվա ընթացքում նա ազատված էր հրշեջ, սանիտարահիգիենիկ և այլ տեսակի ստուգումներից: Այս միջոցը մտցվել էր Վլադիմիր Պուտինի կողմից որպես պոպուլիստական քայլ, իբր ուղղված փոքր բիզնեսի վրա ճնշումների նվազմանը: 2016 թվականին «Ձմեռային բալ» առևտրի կենտրոնում իրականացված ստուգումները ցույց են տվել, որ այնտեղ ամեն ինչ կարգին է:
Սա յուրահատուկ ռուսական իրավիճակ է, այն բանի օրինակը, որ ռուսական կոռուպցիայի բրենդը ոչ միայն անհարմարություններ է ստեղծում, այլև պոտենցիալ սպանում է:
Ծնողների սրտակեղեք պատմությունները, ում երեխաները զոհվել են հրդեհի ժամանակ, ավելի հիմնովին փոփոխություններ են պահանջում, քան սովորական աշխատանքից ազատումներն են: Բայց, նրա մամլո խոսնակի խոսքերով, Պուտինը չի էլ պատրաստվում մեկնել Կեմերովո: Այսօրվա Ռուսաստանում այս ողբերգությունը կքաղաքականացվի ոչ ավել, քան մեկ այլ ցանկացած նշան, որ պուտինյան համակարգի համար մարդկային կյանքը արժեք չունի:
