Հանրապետականը շուտով կհրապարակի իր վարչապետի թեկնածուի անունը, լրագրողների հետ ճեպազրույցում ասաց ՀՀԿ խմբակցության ղեկավար Վահրամ Բաղդասարյանը։
Դիտարկմանը, թե բոլորի համար ակնհայտ է, որ վարչապետի թեկնածուն Սերժ Սարգսյանն է լինելու, Բաղդասարյանն ասաց.
«Մենք դեռ որոշում չենք կայացրել, դուք հնչեցնում եք անուններ։ Եթե այս քաղաքական զարգացումների փուլում նպատակահարմար գտնենք, որ լինի ձեր նշած թեկնածուն, կտանք դրա հիմնավորումները»։
Խոսելով փողոցային պայքարի հնարավորությունների մասին՝ Բաղդասարյանն ընդգծեց, որ դրա անհրաժեշտությունը չի տեսնում, քանի որ խորհրդարանն է այսուհետ լինելու այն մարմինը, որտեղ ընդդիմությունը կարող է իր թեկնածուն առաջադրել և նոր Սահմանադրությամբ խորհրդարանն է այն ամբիոնը, որտեղ յուրաքանչյուր քաղաքական ուժ ճիշտ քաղաքական քարտեզ մշակելու դեպքում կհասնի հաջողության։
